చెడుగుడు, నాట్యమ్ము కొఱకు! చీనాంబరముల్!!!

గుడికిన్ వచ్చిన గుమ్మల
నడిగెను పూజారి భరత నాట్యము చేయన్!
పడతులు దెచ్చిరి శోభిo
చెడు, గు(డి)నాట్యమ్ము కొఱకు చీనాంబరముల్! 

బుడతలు గావలె నాడగ
చెడుగుడు! నాట్యమ్ము కొఱకు చీనాంబరముల్,
పిడికెడు నడుముల్ గలిగిన
పడతుల్ గావలెనుగాని పావడ లేలా!

గడుసరి గోపిక లాడిరి
చెడుగుడు, నాట్యమ్ము కొఱకు! చీనాంబరముల్
వడివడిగలాగ ,కృష్ణుని
మెడనుండి మరిమొలనుండి, మెఱుపులు రాలెన్! 
(శంకరాభరణం  బ్లాగు లో28-01 -2011 నాటి  సమస్యా పూరణ-210లో
ఇచ్చిన సమస్యకు చేసిన పూరణ.తోటి మిత్రుల పూరణలు బ్లాగులో వీక్షించవచ్చు. )