తుల నాడిన వాడిని గని,
తల నంటెను చెప్పు తోడ, తరుణిరొ ,భద్రా
చలమున నవమిన నేటి స బల!రాముడు సీత జూసి ఫక్కున నవ్వెన్!
(శంకరాభరణం బ్లాగు లో 29 -10 -2010 నాటి సమస్యా పూరణ-137 లో
ఇచ్చిన సమస్యకు చేసిన పూరణ.తోటి మిత్రుల పూరణలు బ్లాగులో వీక్షించవచ్చు. )
చదువు చెప్పు బుధులు సరసాల కొడగట్టి,
శిష్యు రాండ్ర నకట చెరచి రైరి
గురువు పరువు ఊరి మురుగులో గలిపిరి.
మంద వారి మాట మణుల మూట!
(నేడు TV9 లో ప్రసారమైన వార్తలకు స్పందించి వ్రాసినది )
1) రవి గాంచని చోటుల నిల
కవి గాంచును తన మనముతొ కవితలు సేయన్ ,
కవి కొమ్మల గెంతి నపుడు, కవివరు కపితోడ బోల్చగా మెచ్చి రహో !
2 . రవియు తన కిరణములతో,
కవి తనపద చరణములతొ గంతులు వేయన్,
యువసతి కోతని తిట్టెన్ కవివరు కపితోడ బోల్చగా మెచ్చి రహో !
(శంకరాభరణం బ్లాగులో లోగడ సమస్యా పూరణ-130 లో ఇచ్చిన సమస్యకు చేసిన పూరణ.
ఇతర కవి మిత్రుల పూరణలను యీ బ్లాగులో చదివి రసాస్వాదన పొందవచ్చును.)
వేదించు టె పని పాటై,
శోధించును తప్పులన్ని చోద్యము తోడన్,
బాధించు మంత్రి కొడుకై, బోధించుట రాని గురువె పుజ్యుండయ్యెన్ !
(శంకరాభరణం బ్లాగులో 20 -10 -2010 నాటి సమస్యా పూరణ -128 లో ఇచ్చిన పూరణకు చేసిన పూరణ.
ఇతర కవిమిత్రుల మేటి పూరణలను ఆ బ్లాగులో చూసి రసాస్వాదన చేయ వచ్చును.
యవ్వనపు ప్రాయమున వాంఛ లెవ్వరికిని
మతుల బోగొట్టు, మగువల మనసు దోయ
వెతలు బలు రీతి బడుదురు, వెకిలి ప్రేమ యతి, విటుడు గాక పోవునే యతివ బిలువ!
(శంకరాభరణం బ్లాగులో 19 -10 -2010 నాటి సమస్యా పూరణ -127
లొ ఇచ్చిన సమస్యకు చేసిన పూరణ .తోటి కవిమిత్రుల యితర మేటి పూరణలను మీరు
ఆ బ్లాగులో చూసి రసాస్వాదన పొందవచ్చును.)
మాతాజానకి నిన్ను నే ను గొలుతున్ మాపాలి దైవంబుగా
నాతో డె ప్పుడు వీడ కుండుము సదా నా భాగ్య సంధాయినీ
నీతో జెప్పెద జాంబవంతుని సుతన్ నీ రాము తో జెప్పవే సీతా !మానస చోరు డెవ్వడనినన్ శ్రీ కృష్ణ మూర్తే గదా !
(శంకరాభరణం బ్లాగులో 18 -10 -2010 నాటి వారాంతపు సమస్యా పూరణ -13
లొ ఇచ్చిన సమస్యకు చేసిన పూరణ .తోటి కవిమిత్రుల యితర మేటి పూరణలను మీరు
ఆ బ్లాగులో చూసి రసాస్వాదన పొందవచ్చును.)
ఇడుము లనెడము జేయువాడిన కులేషు
డొక్క డేయని దలపోసి మ్రొక్కి నారు
ప్రభువు దక్కగా, చిక్కగా, ప్రభువు దేవు భార్య లిద్దరు, శ్రీ రామ భద్రునకును !
(ప్రభుదేవ్ ప్రఖ్యాత డ్యాన్సు మాస్టరు మరియు నటుడు .ఆయన సమస్యను
సమస్యా పూరణంలో తీసుకోవడం జరిగింది.)
(శంకరాభరణం బ్లాగులో లోగడయిచ్చిన సమస్యకు చేసిన పూరణ ).
(శకరాభరణం బ్లాగులో(13-10 -2010) దత్తపది-8 లో యిచ్చిన "నయా, కియా,దియా,గయా ."పదాల నుపయోగించి
ఏ వృత్తములో నైనా ఇష్టదేవతా ప్రార్థన జేయవచ్చునన్న దత్తపది కి స్పందించి వ్రాసిన పద్యం )