పగటి పూట చంద్రుని గనె పద్మ నయన!

గగన మంటిన సౌధమ్ము సిగన నున్న,
రవిని మరిపించు   నంబాని భవన కాంతి,
రేయి వెళ్ళినా రేరాజు రేఖ వోలె,
పగటి పూట చంద్రుని గనె పద్మ నయన!
(శ్రీ ముఖేష్ అంబాని గారి భవనాన్ని
మొన్ననే నెట్లో చూసాను చాల బావుంది)

పరిచయంబులు,ప్రణయంబు,పరిణయంబు,
వరుసక్రమమున జరిగె శ్రీవాణి,చంద్ర
ములకు,తొలిరేయి కోమలి కలలుపండ,
పగటిపూట చంద్రునిగనె పద్మనయన!
(శంకరాభరణం  బ్లాగు లో 27 -10 -2010 నాటి  సమస్యా పూరణ-135 లో
ఇచ్చిన సమస్యకు చేసిన పూరణ.తోటి మిత్రుల పూరణలు బ్లాగులో వీక్షించవచ్చు. )