ఉగాది శుభాకాంక్షలు!!!

అందరికీ శ్రీ నందన నామ సంవత్సర ఉగాది శుభాకాంక్షలు

కాల గర్భాన నొకయేడు కరిగిపోయె
ధరలు నెగబ్రాకె  నవినీతి సరళి పెరిగె
పన్ను భారమ్ము లెక్కువై వెన్ను విరిగె
బ్రతుకు దుర్భర  మైపోయి  భారమయ్యె!!!

వందనాలమ్మ నందన వత్సరమ్మ
పాలకులకింత సద్బుద్ధి  పంచుమమ్మ
మంచి మార్గాన వారిని మలుపు మమ్మ
బడుగు జీవుల నిడుముల బాపుమమ్మ

ఆరు ఋతువులు నీలోనె నణిగియుండు
నారు రుచులును నీ యందె నమరియుండు
జనుల కెయ్యది మేలౌనొ గణన జేసి
కాంతి నింపుము కటిక చీకటుల బాపి !!!