జాతి పిత!!!

  పోరుబందరునందుబొడిచిన సూర్యుండు
    ....నస్తమించగ జేసె నాంగ్ల ప్రభను,
    ఊతకర్రను బట్టి జాతిని కదిలించి
    ....చైతన్య స్పూర్తిని జ్వలన జేసె,
    సత్యాగ్రహమ్మునే సాధనంబుగ జేసి
    ....సామ్రాజ్య వాదుల సాగనంపె,
    కరవాలమునులేక పరపాలనంబుకు
    ....చరమ గీతము పాడి చరితకెక్కె,

    హింస హేయమన్న పరమ హంస గాంధి,
    నీతి నియమాల దప్పని నేత గాంధి,
    స్పూర్తి నొసగిన కారుణ్య మూర్తి గాంధి,
    జాతి పిత గాంధి ధార్మిక  గీత గాంధి !!!