 |
నీవు లేనిదే గడువదనుకున్న నిమిషము గంటలయ్యె, గంటలు గడిచె వడివడిగ , దినములు దొర్లిపోయె, పక్షముల గతి మారె ,మాసముల్ మాయమయ్యె, పలు వసంతాలు కాల గర్భాన పండిపోయె , గడిచిన గతమెల్ల మీదు స్మృతులతో నిండిపోయె! అవియె తారకలు ,నెలరాజు,గగన మదియె , దిశలు,దిక్కులు దినములు రాత్రులవియె , ఏడు గుర్రాల రాయని పయన మదియె, ఏడ్పు నగవుల కలబోత బ్రతుకు లవియె! ఏది ఆబాట, ఆపాట పలుకు తీరు, ఏదిఆ నీతి, ఆ ప్రీతి మాట సౌరు, ఏది ఆ కసురు,ఆ విసురు, ఎదను పండించి,పిండించి పంచిన అమృత తుల్య మైన ఆ అవ్యాజ వాత్సల్య ధార నే నడుపు చున్నది మమ్ము , యిది సునృతము సుమ్ము, నీ మూర్తిత్వ మావిష్కరింప దలంపగా అక్షరాలేల పదములై అల్లు కోవు? కలము సాగదు ముందుకు కవిత సేయ , భావములు రావు , ఎద యేల పేదయయ్యె మీ మహోన్నత వ్యక్తిత్వ మహిమ నేమొ , మాటల కతీత మైనట్లు తోచె పలుకులాకృతి ఆలోచన పరిధి రాక లోచనా భరితమై, భావనా వేశమై సలిలమై, సరళమై మా అశ్రుభాష్పమ్ము లే సుమ జల కుంజములైనవి నీ పద యుగ్మ మందు మేమంజలి ఘటి యింపగ అందుకో తండ్రీ ! మమ్ము కరుణింపగ బూనుము యెల్ల వేళలన్ ! ( మా తండ్రి గారైన శ్రీ మంద రాజన్న 24 వ వర్ధంతి సందర్భం గా వారికి మా భాష్పాంజలి ) మంద నారాయణ , మంద పీతాంబర్ మరియు కుటుంబ సభ్యులు 19 -01 -2011  |
