“తెలుఁగు పద్యము”!!!

 “తెలుఁగు పద్యము”
గురువుల లఘువుల కుదురుగా కూర్చిన
.....పలు గణమ్ముల మాల పద్యమోయి,
ప్రాసలు యతులను పరిమితుల్ గల్గిన
.....విద్యయే రసరమ్య పద్య మోయి,
శార్దూల మత్తేభ చంపకోత్పలముల
..... పలువృత్తములమాల  పద్యమోయి,
సంధి సమాసాలు సహజోపమానాలు
.....ప్రాణంబు లైనట్టి పద్యమోయి,

పద్యమే తెల్గు భాషకు ప్రాణ మోయి,
పద్యమే తెల్గు కవులసౌభాగ్య మోయి,
 పద్యమేనాటకములకు  హృద్య మోయి,
పద్యమే వాణి కిష్ట నైవేద్య మోయి!!!

 (శంకరాభరణం  బ్లాగులో 31-08-2013 నాటి  “తెలుఁగు పద్యము”!!!   450 .తోటి మిత్రుల రచనలను బ్లాగులో వీక్షించవచ్చు