పట్టు పరికిణీల,పావడా కుచ్చుల,
పంజాబి కుర్తాలు పట్టు కెళ్ళె!
తల నిండ జాజులు,తనువెల్ల మోజులు,
తన యెత్తు జడలెల్ల తరలె నెటకొ!
గంగి రెద్దుల వారి ఘన మైన తలపాగ
డూడుడూ బసవన్న డోల లెచట?
హరి కీర్తనలు జేయు హరిదాసు పాటలు
కడపు నింపెడు రాగి కలశ మెచట ?
ఏవి ధాన్యాలు? భొగ్యాలు? యేవి సిరులు?
వెలుగు లెక్కడ ? గొబ్బిళ్ళు వెలసె నెకట?
పంట పండించు రైతుల యింట నేడు,
భోగి మంటలే "సంక్రాంతి" భోజనాలు!!
No comments:
Post a Comment