Thursday, March 9, 2017

అంతర్జాతీయమహిళాదినోత్సవశుభాకాంక్షలు.

అంతర్జాతీయ మహిళాదినోత్సవ శుభాకాంక్షలు. !!!

నవమాసముల్ మోసి, జవసత్వములపోసి
జన్మయొసంగిన జనని, మహిళ!

సహధర్మ చారియౌ సౌఖ్యప్రదాయియౌ
సంతాన భాగ్యయౌ సతియు, మహిళ!

తండ్రినే నడయాడు దైవంబుగానెంచి
ప్రేమించు పుత్రీలలామ, మహిళ!

అక్కగా,చెల్లిగా అనురాగ వల్లిగా
ఆత్మీయతనుబంచు యతివ, మహిళ!

జోడుచక్రాలలో తోడుగానొకటియై
తేరునీడ్చెడు వీరనారి, మహిళ!

సంసార నావను చక్కగా నడిపించి
తీరమ్మునకు జేర్చు ధీర, మహిళ!

ప్రకృతి స్వరూపమై, ప్రగతిసంకేతమై
సృష్టికి మూలమౌ స్రష్ట, మహిళ!

పరిపూర్ణ వృద్ధికి,పరమార్థ సిద్ధికి
పరమాత్మ నొసగిన వరము, మహిళ!

విజయమును గూర్చు విజ్ఞాన సృజన, మహిళ!
మమతలకుమారు పేరైన మగువ,మహిళ!
మహిళ లేకున్న మనుగడ మహిన లేదు
అట్టి మహిళా మణులకు జైకొట్ట వలయు !!!

No comments:

Post a Comment